Presidenti amerikan Donald Trump, menjëherë sapo ka nisur takimet zyrtare në Japoni, ka sulmuar qeverinë e këtij shteti duke e akuzuar për një qëndrim “frikacak” ndaj Koresë së Veriut.
Siç bën të ditur agjencia japoneze Kyodo ,Trump, i cili ndodhet për një tur të rëndësishëm aziatik tha se “Japonia duhet të rrëzonte raketat e Phenianit përpara se ata të kalonin kufirin ujor të këtij vendi”.
Trump i tha kryeministrit japonez se “nuk e kuptove sesi një vend i luftëtarëve samuraj nuk i ka interceptuar raketat”.
Më tej, kreu u Shtëpisë së Bardhë deklaroi në bordin e Air Force One se ai do të takohet me Vladimir Putin, në Vietnam ose Filipine, gjatë samitit aziatik, pikërisht për çështjen e raketave të Koresë së Veriut.
“Do të kërkojmë ndihmën e Presidentit të Rusisë për krizën koreano-veriore”, tha Trump.
Dy liderët botërorë do të marrin pjesë në takimin e nivelit të lartë të Bashkëpunimit Ekonomik mes Azisë dhe Paqësorit, APEC. Kjo zonë po kthehet si më e rëndësishmja e zhvillimit botëror, duke e lënë mënjanë Europën.
Azia ka brenda saj fuqi ekonomike si Kina, Rusia, India, Japonia, Korea e Jugit, Australia, Filipine plus vendet e Gjirit Arabik që mbajnë peshën e ekonomisë dhe zhvillimeve politike botërore. /tesheshi.com/
