Presidenti më i ri i Amerikës Donald Trump duket se do t’i vërë në zbatim premtimet e tij gjatë fushatës për dëbimin e emigrantëve nga SHBA.
Ai ka thënë sot në një intervistë në emisionin “60 minuta” të CBS, siç transmeton Daily.mail se po planifikon të dëbojë menjëherë 2-3 milionë emigrantë pa dokumente në SHBA.
“Ajo çfarë do të bëjmë është se do t’i dëbojmë njerëzit që janë kriminelë dhe kanë histori kriminale, grupet kriminale, shpërndarësit e drogës, mbase dy apo tre milionë prej tyre, nga vendi jonë. Do t’i dëbojmë nga vendi, sepse ndodhen këtu ilegalisht”, ka thënë Trump./tesheshi.com/
