Rezultati i zgjedhjeve presidenciale në SHBA është ende larg finalizimit, por duket se po shkon drejt fitores së Donald Trump, shkruan BBC, pasi kandidati republikan fitoi në dy shtete kyçe.
Trump iu dha një shtysë në një shtet tjetër kyç, Xhorxhia, pasi u shpall fitues në Karolinën e Veriut.
Duke fituar të parin, ai i dha një goditje shtesë rivales së tij demokrate, Kamala Harris.
Trump gjithashtu kryeson në Pensilvani, Miçigan, Uiskonsin dhe Arizona.
Shumica e shteteve tradicionalisht janë më të prirur ndaj demokratëve ose republikanëve dhe aty fituesi dihet paraprakisht, kështu që fokusi i kandidatëve janë zakonisht ato shtete federale ku çdo kandidat mund të fitojë (të ashtuquajturat shtete sëing).
Këtë vit ishin shtatë prej tyre – Pensilvania (19 përzgjedhës), Xhorxhia dhe Karolina e Veriut (16 secila), Miçigan (15), Arizona (11), Uiskonsin (10) dhe Nevada (6).
Në Xhorxhia, e cila ka një komunitet të madh afrikano-amerikan, Joe Biden fitoi katër vjet më parë, por shumë ngushtë.
Trump aktualisht ka 246 vota zgjedhore nga 270 që i nevojiten për të fituar.
Ai është planifikuar që së shpejti t’i drejtohet publikut në Florida. /tesheshi.com/
