Ekipi i Donald Trump ka vendosur një datë të saktë për udhëtimin e presidentit të SHBA-së drejt Koresë së Jugut, jo larg kufirit me Veriun komunist.
Sipas Daily Star, “air force one” do të zbresë në Seul për një takim me Presidentin e Koresë së Jugut, pas kërcënimit në rritje nga Kim Jong-un.
Trump ka hedhur akuza të forta ndaj Phenianit, ndërsa ka kërcënuar me “shkatërrim total” të Koresë së Veriut, nëse ajo kërcënon ndonjë nga aleatët e SHBA.
Presidenti amerikan gjithashtu po konsideron një vizitë në kufirin e armatosur me Korenë e Veriut.
Trump do të mbajë një samit me 7 nëntor për të diskutuar mbi zgjerimin e aleancës së SHBA për krizën me Korenë e Veriut.
Presidenti amerikan gjithashtu do të vizitojë Japoninë dhe do të ketë takime të mëdha me homologun e tij kinez Xi Jinping në Pekin. /tesheshi.com/
