E shumëpritura bisedë e parë telefonike mes presidentit amerikan dhe atij rus është kryer. Trump dhe Putin kanë folur për gjithçka, që nga ISIS-i te kriza ukrainase.
Sipas Shtëpisë së Bardhë, dy udhëheqësit kanë bërë një “nisje domethënëse” të rregullimit të marrëdhënieve të vendeve të tyre.
Nga zyra e Putin-it, në anën tjetër, nënvizohet shprehja e gatishmërisë nga Putin e Trump për të bashkëpunuar “mbi një bazë konstruktive, të drejtë dhe të dobishme resiprokisht”.
Në bisedën telefonike ka zënë vend çështja e bashkëpunimit në luftën kundër ISIS-it, e të punuarit së bashku për më shumë paqe në botë, përfshirë dhe Sirinë, si dhe është diskutuar kriza ukrainase.
Për Trump-in dhe Putin-in, përparësi kryesore është lufta kundër terrorizmit ndërkombëtar, thotë deklarata e Kremlinit.
Kjo nuk ka qenë e vetmja bisedë telefonike për Donald Trump-in, që ka komunikuar gjithashtu me kancelaren Merkel, me presidentin francez dhe me kryeministrin japonez. /tesheshi.com/
