Presidenti rus Vladimir Putin do të takohet me Presidentin e SHBA Donald Trump më 11 nëntor në Paris, tha Yury Ushakov, asistent i presidentit rus.
Ai vuri në dukje se për takimin u ra dakord gjatë një vizite në Rusi nga John Bolton, Këshilltari i Sigurimit Kombëtar në administratën Trump.
Duke iu drejtuar gazetarëve në Moskë, Ushakov tha se të dy presidentët do të marrin pjesë në ceremonitë që do të mbahen me rastin e shënimit të 100-vjetorit të fundit të Luftës së Parë Botërore.
Ai vuri në dukje se do të mbahet një “takim i vërtetë”, kohëzgjatja e të cilit do të varet nga dy udhëheqësit.
Ai shtoi se delegacionet e të dy vendeve nuk do të jenë të mëdha, por të përbërë “nga të gjithë figurat kryesore”, të cilët do të jenë të pranishëm në bisedime.
John Bolton, i cili është në një vizitë dy-ditore në Rusi, u takua me Presidentin Putin, ministrin e Mbrojtjes Sergej Shoigu dhe ministrin e Jashtëm Sergei Lavrov. /tesheshi.com/
