Në prag të Asamblesë së Përgjithshme të OKB-së, liderët amerikanë dhe francezë, Donald Trump dhe Emmanuel Macron u përpoqën të gjenin një terren të përbashkët për tema që dy vendet e tyre nuk pajtohen prej muajsh.
Ata u takuan për gati një orë në Nju Jork, ku siç informon Pallati Elize, diskutuan çështje të rëndësishme ndërkombëtare, përfshirë Sirinë dhe Iranin, si dhe mosmarrëveshjet tregtare.
“Ne kemi patur eksperienca shumë të mira bilaterale, edhe pse ndonjëherë më pak mirë, por në 99 për qind të rasteve është shumë mirë”, tha Trump në fillim të takimi në një hotel në Manhatan.
“Ne jemi këtu për të arritur rezultate”, tha Macron, duke cituar sigurinë e përbashkët, luftën kundër terrorizmit dhe Lindjen e Mesme.
Të dy udhëheqësit shtrënguan duart njëri-tjetrin para kamerave, por jo me aq entuziazëm sa gjatë takimeve të mëparshme. Ata konfirmuan një dëshirë të përbashkët për të koordinuar ngushtë në tema të mëdha, shpjegoi Shtëpia e Bardhë.
Trump shprehu interes për të ardhur në Francë për të shënuar fundin e Luftës së Parë Botërore më 11 nëntor. Pastaj do të ketë një Forum për Paqe, i cili u thirr nga disa qindra liderë në Paris.
Të martën, Macron dhe Trump do të flasin për Asamblenë e Përgjithshme të OKB, e cila mbledh këtë javë rreth 130 krerë shtetesh dhe qeverish. /tesheshi.com/
