Presidenti amerikan Donald Trump mendon se ish-kryetari i bashkisë së Neë York-ut Michael Bloomberg nuk do të ketë sukses nëse hyn në garën e Shtëpisë së Bardhë, pra për ta sfiduar atë nën siglën e demokratëve, ashtu siç dhe ka dhënë të kuptuar se mund ta ndërmarrë një inisiativë të tillë.
“Michael Little do të dështojë … Ai nuk ka atë që duhet për të arritur sukses”, tha Trump.
Ai shtoi se asnjë kandidat për zgjedhjet presidenciale të vitit 2020 nuk do të dëshironte të garonte aq sa Bloomberg, një miliarder si ai.
Bloomberg njoftoi zyrtarisht në mars se nuk do të kandidojë sepse tashmë ishin rreth 20 demokratë në garë, e gjithashtu që të mos zvogëlohej perspektiva e ish-zv/Presidentit Joseph Bidensi kandidat potencial.
Por burime pranë Blomberg, sipas mediave amerikane, thonë se tani ai është duke mbledhur nënshkrime të nevojshme për të paraqitur kandidaturën në shtetin e Alabamas.
Bloomberg shërbeu si kryetar i bashkisë së Neë York për 12 vjet.
Ai është presidenti dhe themeluesi i agjencisë së informacionit financiar që mban emrin e tij.
Sipas revistës Forbes, renditet në vendin e nëntë në listën e njerëzve më të pasur në botë, me aktivitete që vlerësohen në 55.5 miliardë dollarë.
Ai mendoi të kandidojë si i pavarur në zgjedhjet presidenciale të vitit 2016, por hoqi dorë që të mos përçajë demokratët në garën me Trump. /tesheshi.com/
