Presidenti Trump tha se bllokada e përkohshme e qeverisë do të vazhdojë derisa të sigurohet financimi për të ndërtuar murin në kufirin me Meksikën.
Qeveria e SHBA u pezullua përkohësisht të shtunën.
Ende nuk ka tregues se edhe agjensitë qeveritare do të mbyllen për shkak të kërkesës së Trump për të siguruar para për ndërtimin e murit në buxhet.
“Nuk mund t’ju them kur qeveria do të zhbllokohet”, tha Trump pas paraqitjes së një mesazhi video të Krishtlindjeve për ushtarët amerikanë jashtë vendit.
“Unë mund t’ju them se kjo nuk do të ndodhë deri sa të kemi një mur, gardh. Kjo është një pengesë për njerëzit që po përparojnë drejt nesh”, shtoi Trump.
Financimi i rreth një të katërtës së programeve qeveritare, duke përfshirë Ministrinë e Brendshme, të Drejtësisë dhe Bujqësisë, skadoi të premten mbrëma.
Ndërtimi i një muri në kufirin me Meksikën më së shpeshti përsëritet nga premtimi parazgjedhor i Trump, por demokratët janë kundër kësaj.
Parqet kombëtare të SHBA do të mbeten të hapura, por vetëm një pjesë e stafit do të punojë gjatë bllokadës së qeverisë.
Rreth 400,000 punonjës të tyre do të punojnë pa pagesë, dhe 380,000 do të dërgohen në pushim të përkohshëm derisa mosmarrëveshja zgjidhet.
Disa nga parqet do të mbyllen plotësisht derisa negociatat janë në vazhdim.
Policia, kontrollet kufitare, zyrat postare dhe shërbimet ajrore do të vazhdojnë të funksionojnë.
Bisedimet buxhetore tradicionalisht janë të vështira. Shpesh ata përfundojnë me ligjet për financimin e përkohshëm të qeverisë. /tesheshi.com/
