Donald Trump ngrin transferimin e ambasadës amerikane në Jerusalem.
Pas kundërshtimit të të gjithë komunitetit ndërkombëtar ndaj njohjes zyrtare të Jerusalemit si kryeqytet të Izraelit, vetë Presidenti i SHBA-së tha në një intervistë që knu do të ketë transferim të selisë diplomatike nga Tel Avivi brenda një viti.
Ai nuk tha se kur do të kryhet, por duke folur për Reuters-in ai ka përgënjeshtruar direkt kryeministrin izraelit.
Netanjahu, gjatë një konference me homologun indian tha se “nga dita e sotme, brenda një viti amerikanët do të transferojnë ambasadën në Jerusalem”.
Përgjigja Trump ka qenë e vrazhdë: “Mendoj se e ka gabim, po mendojmë skenare të ndryshme me njëri-tjetrin.
Prishja e marrëdhënieve të Trump me OLP-në e Mahmud Abas-it është cilësuar nga diplomatët e Departamentit të Shtetit si “dramatike”.
Vetë Sekretari i Shtetit, Rex Tillerson ka ndenjur 4 orë me Trump duke i kujtuar se nëse investimi disa dekada i SHBA për të fituar besimin e arabëve do shembet, Uashingtoni nuk do të ketë besueshmëri në botë. /tesheshi.com/
