Presidenti Donald Trump tha se Arabia Saudite ka pranuar të ofrojë para në vend të Shteteve të Bashkuara për rindërtimin e Sirisë së shkatërruar nga lufta.
Trump, nëpërmjet Twitter-it, tha se Arabia Saudite do të ndihmonte në rindërtimin e Sirisë dhe përcolli falënderime për Mbretërinë.
“Arabia Saudite ka rënë dakord të ofrojë paratë e nevojshme për të ndihmuar rindërtimin e Sirisë në vend të Shteteve të Bashkuara. A e shihni? A nuk është mirë kur vendet jashtëzakonisht të pasura ndihmojnë vendet fqinje, në vend që ta bëjë këtë një vend i madh si Shtetet e Bashkuara? Faleminderit Arabisë Saudite!”, shkruan presidenti amerikan, i cili e konsideron Riadin si aleatin e madh në Gji. /tesheshi.com/
