Presidenti Trump tha të enjten se do të anulojë një takim me homologun rus Vladimir Putin në prag të samitit G20 në Argjentinë, e kjo për shkak të krizës në Ukrainë, raporton Reuters.
Sipas tij, Trump shtoi se ai është në kërkim të një “samiti kuptimplotë” me Putinin kur situata lidhur me Ukrainën të jetë zgjidhur.
Kremlini nuk ka marrë asnjë informacion zyrtar në lidhje me anulimin e takimit të planifikuar – ka thënë zëdhënësi i Kremlinit, Dmitry Peskov, ndërkohë që orë më parë e konfirmoi takimin e pritshmes mes dy lidërve.
“Ne po fluturojmë në Argjentinë. Deri tani kemi parë vetëm lajme në media për anulimin e takimit. Nuk kemi informacion zyrtar”, tha Peskov për agjencinë ruse TASS.
Më parë, presidenti amerikan tha se ndoshta do të takohej me z. Putin në samitin e G20 në Argjentinë gjatë fundjavës, pavarësisht shprehjes së pakënaqësisë së tij ndaj veprimeve ruse kundër Ukrainës.
“Unë kam të ngjarë të takohem me Presidentin Putin”, u tha Tramp gazetarëve pasi u largua nga Uashingtoni drejt Argjentinës, raportoi Reuters.
“Ata do të donin të kishin një takim. Mendoj se është një kohë shumë e mirë për t’u takuar”, tha Tramp. /tesheshi.com/
