Sipas të dhënave të KZAZ-së Tropojë, bashkia e re e Tropojës do të udhëhiqet nga këshilli bashkiak me shumicë nga e majta.
Vetëm rreth 800 vota ndanë dy kandidatët për bashkinë e Tropojës, por situata ka qenë edhe më surprizuese në votat për këshilltarë.
“Rezulton se koalicioni i djathtë ka grumbulluar 4500 vota, ndërsa koalicioni i së majtës ka marrë 6300 vota, ose mbi 70 përqind, ç`ka përbën një ndryshim të rëndësishëm në ekuilibrat politike”, thotë Jeton Matkaj, këshilltar i ri i bashkisë së Tropojës, i dalë nga e majta, përfaqësues i demokristianëve të Zef Bushatit.
Por këto ekuilibra politikë në këtë bashki pritet të sjellin kundërshti në zgjidhjen e problemeve të shumta dhe miratimin e vendimeve në bashkinë e fituar nga demokratët, përfaqësues i PD-së, ish-deputeti Besnik Dushaj, cili fitoi kundrejt kandidatit të së majtës, ish-kryetari dhe ish-nënkryetari i PD-së lokale dhe kandidatit të pavarur, ish-kryetarit të bashkisë, përfaqësues i PD-së.
Pra në Tropojë kandiduan tre të djathtë. gj.n /tesheshi.com/
