Skuadra franceze e futbollit ka marrë një goditje të re para Botërorit të afërt në Katar.
Tashmë dihej se mesfushori i Juventusit, Paul Pogba, nuk do të luajë në Kupën e Botës për shkak të një dëmtimi në gju, por tashmë në listë i është bashkuar mesfushori i Chelseat, N’Golo Kante.
Menjëherë pas rikthimit në stërvitjet e Chelsea-t, Kante u lëndua sërish dhe nuk do të jetë në fushë për rreth tre muaj.
Të dy ishin ndoshta mesfushorët më të rëndësishëm në skuadrën e Didier Deschamps gjatë Kupës së Botës 2018 në Rusi dhe, së bashku me Kylian Mbappe dhe Antoniet Griezmann, lojtarët më të rëndësishëm.
Tani Deschamps do të duhet të gjejë një mënyrë për t’i zëvendësuar ata në përpjekjen e tij për të mbrojtur titullin e tij botëror.
Duhet thënë se ata do të kenë në dispozicion shumë lojtarë të rinj që luajnë në ato pozicione, e disa prej tyre janë mesfushorët e Real Madridit, Eduardo Camavinga dhe Aurellien Tchouameni.
Francezët do të jenë në Grupin D me Australinë, Danimarkën dhe Tunizinë në Katar. /tesheshi.com/
