Bota po kalon orë ankthi për shpërthim të mundshëm të një luftë NATO-Rusi, pasi një raketë ruse ra në Poloni, vend i NATO-s, duke vrarë dy persona.
Shpërthimi ndodhi në qytetin Przeëodoë në anën polake të kufirit polako-ukrainas. Siç raporton Bild, e cila i referohet Radio Zet polak, dy raketa goditën tharëset e grurit.
Kjo ndodhi në fund të një dite kur Rusia bombardoi qytete dhe objekte energjetike në të gjithë Ukrainën, duke përfshirë Lvivin, një qytet në perëndim të vendit pranë Polonisë.
Ndaj, në versionet e para është marrë në konsideratë fakti se raketat ruse nuk kanë qenë të qëllimshme por aksidentale, ndaj dhe Perëndimi ka treguar vetëpërmbajtje duke mos e aktivizuar Nenin 5 të Aleancës.
Edhe Presidenti Biden këtë qëndrim mbajti kur tha se informacionet e para tregojnë se ka mundësi që raketat të mos jenë lëshuar nga Rusia.
“Nuk dua të them asgjë përfundimtare derisa të bëhet një hetim i plotë”. Megjithatë, për shkak të trajektores së predhave, nuk ka gjasa që ato të jenë qëlluar nga Rusia. Por do të shohim se çfarë do të sjellë hetimi. “Megjithëse informacionet fillestare treguan se Rusia ishte e përfshirë, hetimet paraprake e kundërshtojnë këtë,” tha Biden në një fjalim të drejtpërdrejtë në CNN.
Biden aktualisht ndodhet në Bali të Indonezisë në samitin e G20-ës dhe para deklaratave ka mbajtur një takim urgjent me liderët e tjerë të G7-ës.
“Megjithatë, Rusia vazhdon të përkeqësojë situatën në Ukrainë me veprimet e saj”, shtoi presidenti amerikan. /tesheshi.com/
