Kabineti Merkel është tronditur së fundi nga vendimi i kundërshtarit më të ashpër të saj në çështjen e emigrantëve, Horst Seehofer, ministër i Brendshëm, për të dhënë dorëheqjen.
Seehofer, njëherësh kreu i Unionit Kristian Social (CSU), simotër e CDU-së, e ka paraqitur aktin e dorëheqjes në partinë e tij.
Dhe kjo ka ardhur pas refuzimit nga Merkel për të kthyer disa emigrantë nga kufiri gjerman, pa i lënë të hyjnë në territorin e vendit.
Seehofer tha se bisedimet për Merkelin nuk kishin ndonjë efekt, ndërkohë që CSU po kërkon politika më të ashpra të emigracionit kur është fjala për dyndjet drejt Gjermanisë, pika më e dobët e Merkelit pas aplikimit prej saj të “dyerve të hapura”.
Tashmë pritet të shihen efektet e kësaj dorëheqjeje, nëse ajo do e cenojë koalicionin e brishtë gjerman, gjë që mund të çojë në rrëzimin e Merkelit, diçka që mund të kishte pasoja zinxhir në Europë. /tesheshi.com/
