Britania e Madhe ka kthyer kokën kah hetimi i skandalit më të keq në historinë e NHS-së (Sistemit Kombëtar të Shëndetësisë), dhe shpalosja e detajeve të shumëfolura sapo ka filluar.
Më shumë se 4,800 persona të sëmurë me hemofili janë infektuar me hepatit C apo HIV gjatë vitetve 1970-1980, dhe më shumë se 2000 persona besohet të kenë humbur jetën si pasojë e gabimeve njerëzore brenda NHS-së.
Mijëra persona u janë ekspozuar transfuzioneve të gjakut në mënyra të rrezikshme, transmeton BBC. Personat më të rrezikuar kanë qenë nënat që kanë marrë transfuzione gjaku pas lindjes.
Shumë nga viktimat e këtij skandali ende janë gjallë dhe kërkojnë drejtësi. Më tepër se 1,200 persona që ishin të infektuar me hemofili përfunduan edhe me virusin HIV, dhe vetëm 250 janë gjallë për të dëshmuar.
Skandali morri gjithë vëmendjen
Çështja ishtë bërë publike për herë të parë në vitin 2017, dhe që atëherë, të prekurit nga skandali nuk ndalojnë së kërkuari drejtësi .
Për dy vite kanë vdekur më shumë se 150 të infektuar me hemofili që kishin marrë trajtime nga NHS-ja.
Viktimat dhe familjarët e tyre duan të dinë pse nuk ka pasur asnjë lajmërim për rreziqet e mundshme, dhe si ka mundësi që janë injoruar kriteret elementare të sigurisë.
Tani kur nisin seancat publike, qeveria ka shpallur një mbështetje financiare prej 75 milion funtash për të prekurit nga kjo tragjedi.
Kryeministrja e vendit Theresa May tha se skandali i gjakut të kontaminuar ishte një tragjedi që nuk do të guxonte të ndodhte, dhe ka shkaktuar dhimbje të paparamendueshme për viktimat dhe familjet e tyre, për shumë dekada. /tesheshi.com/
