Trazira të befta, ta paparashikueshme, alla SHBA, shpërthyen në Shtutgart, ku siç u tha, alkooli dhe rrjetet sociale mund te ishin shkaktarët e tyre.
Ishte një arrestim rutinë droge që rezultoi në një shpërthim të trazirave, duke plagosur 19 oficerë policie dhe 24 sulmues.
https://youtu.be/WyrTahMLcak
Kryetari i Stuttgartit Fritz Kuhn i dënoi trazirat si të papranueshme dhe përcolli mbështetje për zbatimin e ligjit.
“Kjo trazirë ka shkuar përtej një mase që asgjë nuk mund ta justifikojë. Dhuna kundër shtetit nuk mund të tolerohet,” tha ai.
Trazirat filluan pasi policia kreu kontrolle në qendër të qytetit, pas një raporti për tregtimin e drogës. Pas një arrestimi, një grup njerëzish sulmuan oficerët e policisë për shkak të “solidaritetit” me të arrestuarin, të paktën sipas lajmeve zyrtare të qeverisë.
Policia arriti të zmbrapsë sulmuesit, duke përdorur gaz lotsjellës, por tensionet u përshkallëzuan shpejt, dhe disa qindra njerëz u mblodhën, duke hedhur gurë, shishe dhe sende të tjera.
Trazirat u përhapën në pjesë të tjera të qytetit, ku grupe më të vogla shkatërruan hapësira publike dhe të ngjashme. Policia pretendon se të paktën 30 dyqane janë dëmtuar dhe 9 janë plaçkitur; 12 vetura të policisë u shkatërruan plotësisht.
Trazirat u qetësuan vetëm herët në mëngjes, para agimit.
Njëzet e katër persona u arrestuan, gjysma e tyre gjermanë, sipas një deklarate të policisë; theksohet se një oficer policie u plagos rëndë dhe nuk do të jetë në gjendje të vazhdojë ta vijojnë punën.
Kreu i policisë Franz Lutz i quajti trazirat një sulm mbi të gjithë qytetin, duke shtuar se në 46 vitet e karrierës së tij ai kurrë nuk kishte parë diçka të tillë. Ai theksoi alkoolin dhe rrjetet sociale si dy faktorë që filluan trazirat, dhe njoftoi një prani të shtuar të policisë në rrugë në javët e ardhshme.
Ata gjithashtu thanë se ata do të vazhdojnë hetimin, dhe se priteshin arrestime të reja. /tesheshi.com/
https://youtu.be/ulL9KkaoJXk
