Një person i armatosur me thikë ka vrarë katër policë – kolegë të tij në selinë qendrore të forcave të sigurisë në Paris, raportojnë media franceze.
Sulmuesi mendohet se ishte anëtar i stafit brenda ndërtesës. Edhe ai u qëllua më vonë nga policia, duke e çuar numrin e të vdekurve në pesë.
Zona e Ile de la Cité – një zonë elitare në qendër të Parisit – është mbyllur për kalimtarët dhe veturat, ndërsa Ministri i Brendshëm Francez, Christophe Castaner është në vendin e ngjarjes.
Sulmi i sotëm ka ndodhur rreth orës 13:00 sipas kohës lokale dhe vjen një ditë pasi policia franceze hyri në grevë si shenjë proteste për rritjen e dhunës ndaj policisë dhe rritjen e niveleve të vetëvrasjeve brenda forcave të rendit. /tesheshi.com/
