Prizreni është tronditur sot pas raportimeve se një qytetare e këtij qyteti e kishte mbytë foshnjen e sapolindur, dhe e kishte fshehur në tavanin e shtëpisë.
27 vjeçarja, identiteti i së cilës momentalisht është i mbrojtur, dyshohet se flijoi foshnjën e saj gjashtë ditëshe në shtëpi – ku edhe e kishte lindur.
Nëna e cila kishte lindur një fëmijë të gjinisë mashkull nuk kishte qenë e martuar, ndërsa policia e zbuloi rastin kur ajo kishte kërkuar trajtim mjekësor në shtëpi, për shkak të problemeve shëndetësore pas lindjes në shtëpi.
Ndaj saj po hetohen akuza të rënda penale. Ende nuk ka detaje lidhur nëse shëndeti psiqik i nënës ka qenë i mirë, e as supozime lidhur me atë se pse ka ardhur te kjo tragjedi. /tesheshi.com/
