Një debat i madh është hapur në zonën e Puglias në Italinë e Jugut, ku një administratë bashkie, emigrantët e ardhur së fundmi nga Afrika, i ka vendosur pas korteut të kuajve që janë përdorur për Kremtimin e Ditës së “Zojës së Papërlyeme”.
Kjo ngjarje ka irrituar intelektualët dhe brezin e ri që kanë shpërthyer në një revoltë në rrjetet sociale.
Edhe gazeta prestigjoze La Repubblica, i ka kushtuar një artikull fshikullues këtij vendimi të administratës vendore në qytetin Bitone.
Sipas La Repubblica-s, në këtë qytet situata është kështu: kuajt defekojnë dhe duhet që plehun e tyre ta pastrojnë menjëherë.
Për ta bërë këtë, në rreshtin e korteut, pas bishtit të kalit qëndron një emigrant nga Afrika me dy kaci dhe një fshesë për të mbledhur bajgat e kalit.
Numri i kuajve është i madh në këtë lloj kremtimi është i madh. “Ditët e Zojës së Papërlyeme”, ka një traditë që nga viti 1734 dhe, manyra e kremtimit është me disa ceremoni tejet pompoze.
Skandali është se emigrantët që mbledhin bajgat janë të veshur edhe me uniforma epokale të periudhës së shekullit të XVIII.
Ata janë strehuar nga instituti Maria Cristina e Savojës.
Opozita në këshillin bashkiak të qytetit, e ka cilësuar ktë akt si skandaloz dhe që kujton skllavërinë.
Por zv.presidenti i institutit, Emanuele Dimundo shfajësohet duke thënë se nuk mund të paguanin punëtorë.
“Jemi në gjendje të keqe dhe asnjë qytetar bitontin nuk donte ta bënte këtë punë, edhe pse e kanë bërë vite me radhë. Ndaj kontaktuam me institutin që na sollën djemtë të cilët e pranuan me dëshirë”, tha ai.
Ndërkaq, kreu i bashkisë, Michele Abbatiçhio shprehet i hidhëruar për ngjarjen.
“Në emër të bashkisë kemi pasur mjaft lavdërime nga qeveria për pritjen që u kemi bërë emigrantëve. Por ndoshta gabimi ynë është roli që u dhamë atyre në këtë ceremoni. Na falni!”. /tesheshi.com/
