Milani ka fituar mbrëmjen e së dielës 2-1 përballë Cagliarit, por gëzimin e kësaj fitoreje e ka prishur një lajm i keq.
Heroi i kuqezinjve në fitoren ndaj Cagliarit, i cili realizoi një supergol nga goditja e dënimit, Suso, ka deklaruar se mund të largohet nga Milani, pasi ofertat në drejtim të tij janë tunduese.
“A do të mbetem? Nuk e di, nuk kam rinovuar ende dhe normalisht që duhet të bisedojmë për një gjë të tillë. Gjithsesi, kjo ka qenë një javë e mrekullueshme për mua. Në Serie A nuk ka kundërshtar të lehtë dhe jemi të kënaqur që i kemi dy fitore në dy ndeshjet e para”, deklaroi Suso. /tesheshi.com/
