Një alarm për bombë në konferencën e FIFA-s ka ngritur më këmbë autoritetet zvicerane. Alarmi është dhënë ndërsa në Zyrih po mbahet konferenca, ku do të zgjidhet edhe kreu i ri i FIFA-s, ndërsa lajmi është bërë i ditur nga policia zvicerane.
Mediat kanë raportuar se policia ka marrë kërcënim për bombë. Pas kësaj anëtarët e kongresit u larguan nga salla.
2019 anëtarë të qeverisë botërore të futbollit do të votojnë ditën e sotme në Kongresin e Zyrihut për të zgjedhur qeverinë e re të futbollit botëror.
Sepp Blatter, presidenti aktual, do të tentojë të fitojë një mandat tjetër edhe pas skandalit të korrupsionit që shpërtheu dy ditë më parë.
Ai sfidohet nga princi Ali bin AlHussein i Jordanisë, në krahë të të cilit doli dje edhe UEFA. Dje, Platini doli hapur kundër Blatter dhe tha se do të mbështesë princin Ali në këto zgjedhje. /tesheshi.com/
