Një tjetër hedhje nga lartësia prej pacientësh me COVID ka ndodhur në Shqipëri, jo te “Shefqet Ndroqi”, ku janë shënuar tre vdekje të kësollojshme deri më tani port e Infektivi.
Ka qenë një 69-vjeçar i shtruar aty që ka vendosur të vetëflijohet duke zgjedhur të vetëhidhet nga një prej dritareve të katit të dytë, jo dhome por korridori.
Por gjithsesi, ai është në jetë.
Nga QSUT u shpërnda menjëherë një deklaratë kur thuhet:
“Qendra Spitalore Universitare Nënë Tereza sqaron opinionin publik se stafi mjekësor në Spitalin Infektiv po bën përpjekjet maksimale për të shpëtuar jetën e pacientit, pas ngjarjes së rëndë të ndodhur në spitalin Infektiv, ku një pacient tentoi të kryente aktin tragjik.
Pacienti me inicialet R.G., 69 vjeç aktualisht është nën kujdesin e mjekëve të këtij spitali.
Në këto ditë të vështira të përballjes me Covid-19, kur mjekët tanë po bëjnë një sakrificë të jashtëzakonshme, sigurojmë Qytetarët se jemi në krye të detyrës dhe askush nuk do të mbetet pa marrë shërbim mjeksor!
Në këto momente nevojitet bashkëpunim dhe drejtësi në përcjelljen e informacioneve, për të ndihmuar mbi të gjitha stafet mjekësore që janë 24 orë në shërbim, siç kanë bërë dhe do të bëjnë deri në fund të kësaj beteje”, shkruan QSUT. /tesheshi.com/
