Një ngjarje e rëndë ka tronditur opinionin publik në shtetin e Finlandës. Ekzekutohet me armë zjarri kryetarja e bashkisë së qytetit Imatras, si dhe dy gazetare të mediave lokale.
Ngjarja ka ndodhur në lindje të Finlandës, 230 km larg kryeqytetit, Helsinkit. Kryebashkiakja që ka humbur jetën është Tiina Ëilén-Jäppinen, e zgjedhur në qytetin e Imatras me 28 mijë banorë, ndërsa ende nuk janë identifikuar dy viktimat e tjera gazetare.
Mësohet se krimi ka ndodhur natën e mbrëmshme dhe dyshohet se tre viktimat janë qëlluar në distancë nga një snajper.
I dyshuari është identifikuar disa orë më vonë, si një djalë 23-vjeçar. Ai është është marrë në pyetje, por motivet e sulmit kanë mbetur ende të paqarta.
Policia ka bërë të ditur se të treja femrat e ekzekutuara ishin nën shoqërinë e njëra-tjetrës, në momentin kur janë qëlluar, pasi po dilnin nga një restorant, në një zonë të frekuentuar të qytetit.
Finlanda, cilësohet si një vend që ka tradita të forta të gjuetisë. Rreth 650 000 armë janë të regjistruara zyrtarisht në duart e njerëzve, por pavarësisht kësaj vrasjet me armë janë të pazakonta./tesheshi.com/
