Zv.Ministri i Mbrojtjes, Arben Llabënishta ka dhënë dorëheqje nga të gjitha postet që ka mbajtur, atë të zv/ministrit, anëtarit të kryesisë së BDI-së, anëtar i Këshillit të Përgjithshëm të BDI-së dhe anëtar i Sekretariatit Kadrovik të BDI-së, i zhgënjyer nga pjesëmarja e BDI-së në qeverinë Gruevski të cilën e quan antishqiptare dhe antidemokratike.
Llabënishti, nuk ka kursyer as partinë shqiptare në pushtet, e cila sipas tij është përplot njerëz të paqytetëruar, të paedukuar me demokracinë, të dëshmuar për mungesë parimesh etiko-morale dhe shqetësim kombëtar, të cilët vetëm mund të riprodhojnë shfrytëzim, kaos, dekurajim, një llum që do mbuloj përpjekjet tona për një jetë të mirëqenë kombëtare dhe shoqërore.
“Është e papranueshme dhe e dëmshme ta marrësh dhe të përpiqesh ta ruash pushtetin pa i realizuar përcaktimet programore, premtimet në fushatat zgjedhore, pa e implementuar Marrëveshjen Kornizë të Ohrit, e cila përbën dokumentin bazë për ndërtimin e shtetit multietnik. Asnjëherë nuk duhet harruar se avancimi i çështjes shqiptare në Maqedoni është ngushtë i lidhur me integrimet euroatlantike, për të cilat fatkeqësisht BDI-ja ka patur vetëm angazhim deklarativ. Nuk kam parë ose dëgjuar për ndonjë veprim konkret, serioz dhe këmbëngulës në drejtim të mosseriozitetit të palës maqedone për këto integrime. Unë kam pranuar postin e zv.Ministrit të Mbrojtjes, i cili s`ka të bëj me profesionin tim dhe fusha te përafërta me të, pikërisht për të kontribuar sadopak në rrugën e antarësimit të vendit në NATO, duke ditur se kjo ministri ka të bëj drejtpërdrejtë me NATO-n”, shkruan në arsyetimin e tij Arben Llabënishti.
Në zgjedhjet e fundit lokale, Llabënishti ishte kandidat për kryetar të Strugës, por në raundin e parë u mposht nga Zijadin Sela, të cilit iu bashkangjit në raundin e dytë, vetëm e vetëm të fitojë kandiati shqiptar në Strugë, gjë e cila rezikohej seriozisht nëse shqipatrët nuk do t’bashkonin forcat. /tesheshi.com/
