Një mjet i panjohur shpërthyes është aktivizuar mbrëmë në selinë e BDI-së në paralagjen e Tetovës, Reçicë e Vogël, njoftoi sot zëdhënësi i Sektorit për Punë të Brendshme në Tetovë, Marjan Josifovski.
Në polici, shpërthimi është lajmëruar mbrëmë në orën 21 e 50 minuta me ç`rast ekipi i SPB Tetovë ka dalë në terren.
“Gjatë ekspertizës së parë është konstatuar se nga shpërthimi nuk ka persona të lënduar, e as dëme materiale në objekt, përveç një krateri të krijuar nga shpërthimi”, tha Josifovski.
Organet kompetente thonë se punojnë në zbulimin e motiveve dhe të autorëve.
Sipas disa zërave mediatikë, kanë qene dy persona me motoçikletë ata të cilët kanë hedhur një granatë dore në oborrin e selisë së BDI-së, dhe pastaj janë larguar.
