Pasi ka arritur të grabisë në seri disa karburante, ndonjërin dhe dy herë brenda pak ditësh, një i ri me kapuç në kokë më së fundi ka dështuar ta vijojë këtë stil jete që e ushtronte nën kërcënimin me armë.
Forcat e komisariatit nr. 2 në kryeqytet kanë bërë të mundur prangosjen e Geraldo Gucit, 21 vjeç, banues në Tiranë, si autor i grabitjeve. Por ajo çka trondit në këtë rast, është fakti se ai rezulton të jetë edhe punonjës i Gardës së Republikës.
Në cilësinë e provave materiale, policia i sekuestroi Gucit një aparat telefonik i tipit “iPhone 6”, i vjedhur më datë 16.10.2016, shtetasit H. S; një automjet i tipit “Mercedes Benz”, TR8483P, ku në brendësi të saj u gjendën: Tre gëzhoja pistolete model 54, si dhe dy fishekë automatiku model 56.
Arrestimi erdhi pasi policia publikoi pamjet e kapura nga kamerat e sigurisë gjatë grabitjes së një pikë karburanti.
Ky është i dyti rast brenda një viti viti kur një gardist, rrogëtar shteti i një organi ligjzbatues, rezulton kriminel në pjesën tjetër të ditës, ose thënë ndryshe jashtë orarit të punës. Fjala është për Eduart Budinin, i cili grabiti një taksist nën kërcënimin e armës. /tesheshi.com/
