Është e rrallë të pranojë një drejtues shteti se i ka duart e përgjakura, nga vrasja e tre personave. Presidenti i Filipineve, Rodrigo Duterte ka konfirmuar për BBC-së, se vrasjet i ka kryer gjatë kohës kur ishte kryetar bashkie për qytetin Davao.
“Kam vrarë tre… Nuk e di se sa plumba nga arma ime kanë hyrë në trupat e tyre. Kjo ka ndodhur dhe nuk mund të gënjej”, u shpreh Duterte.
Ai ka qenë kryetar i Davaos për rreth 20 vjet. Gjatë kësaj periudhe, ai ka fituar reputacionin për shtypje brutale të krimit.
Duerte është zgjedhur në muajin maj si president i Filipineve dhe ka miratuar vrasjen e trafikantëve të drogës, në përpjekje për të zhdukur tregtinë me këtë substancë.
Ndonëse Kombet e Bashkuara e kanë konsideruar këtë sjellje si një shkelje e të drejtave të njeriut, deri tani, rreth 900 trafikantë janë ekzekutuar me urdhër të tij./tesheshi.com/
