Kapiteni i skuadrës londineze të Çelsit do t’u japë fund më shumë se dy dekadave në klub me mbarimin e sezonit, pasi e ka kuptuar se do të jetë e vështirë për të të gjejë hapësira më tej në fushë.
I ardhur si një 14-vjeçar te Çelsi, John Terry ka luajtur në 713 takime që prej debutimit të tij më 1998, duke qenë kapiten në 578 prej tyre.
“E ndiej se kam ende shumë për të dhënë në fushë, por e kuptoj se mundësitë këtu te Çelsi do të jenë të kufizuara për mua,” mësohet të ketë thënë ai.
John Terry, edhe pse një qendërmbrojtës, ka shënuar 66 gola për Çelsin gjatë karrierës së tij, si dhe ka fituar shumë trofe, nga ato të Premier League-s, të FA Cup-it, të Kupës së Ligës, te ai i Champions League-s dhe Europa League-s.
Nga futbolli ndërkombëtar do të tërhiqej pesë vite të shkuara, pasi qe aktivizuar në 78 takime për Anglinë.
Terry, tani 36 vjeç, nënshkroi një zgjatje kontrate njëvjeçare një vit më parë, por në këtë sezon ka luajtur që nga fillimi vetëm në katër ndeshje të Premier League-s. /tesheshi.com/
