Qarku i Kukësit pothuajse është zbardhur nga bora, ndërsa reshje ka pasur edhe në Korçë. Temperaturat në zonat malore të vendit kanë pësuar një ulje të ndjeshme, ku nga 24 gradë të paradites së djeshme, termometri ka regjistruar shifrën 9 në orët e mbrëmjes dhe mëngjesin e së shtunës.
Meterologët parashikojnë gjatë ditës së sotme vranësira e shira në pjesën më të madhe të vendit si dhe borë në zonat e thella Verilindore. Gjatë paradites vranësirat largohen gradualisht drejt Lindjes ndërsa ultësira perëndimore kthjellohet.
Pasditja por kryesisht mbrëmja sjellin sërisht kthjellime në territor. Era do të fryjë mesatare por shpeshherë e fortë, me shpejtësi 65 km/h nga drejtimi Verior – Verilindor duke krijuar në det dallgë 4 – 5 ballë.
Temperaturat e ajrit pësojnë një rënie me 7 – 8°C në të dy vlerat ekstremale ditore të cilat do të luhaten nga -2°C në 19 – 20°C. /tesheshi.com/
