Në mesazhin e radhës anti-krim në lista deputetësh, ambasada amerikane është treguar e troçtë, duke e cituar me emër e mbiemr atë atë për të cilin e linte të nënkuptohet. Bëhet fjalë për Tom Doshin, ish-deputetin e PS-së, larguar para zgjedhjeve të 2017-ës nga grupi parlamentar socialist për shkak të falsitetit të pretendimit se “Meta donte t’a vriste”. Më pas, ai kandidoi për siglën e PSD-së së Gjinushit, duke u futur sërish në parlament.
Për Doshin nuk ka asnjë dënim apo verdikt gjyqësor, pra nuk përfshihet në njerëzit me precedentë, por SHBA e ka shpallur “non grata” nën pretendimet e të qënit i korruptuar.
“Ndërsa autoritetet zgjedhore të Shqipërisë përgatisin zgjedhjet, ia vlen të kujtohet ky emërim, i bërë nga Sekretari i Shtetit i SH.B.A.-së pas shqyrtimit të kujdesshëm të informacionit. Me siguri, votuesit e Shqipërisë meritojnë më mirë se kjo”, shkroi ambasadorja Yuri Kim.
Por ky rast është një sinjal i keq dhe për opozitën, pasi me të njëjtën formë përflitet se janë ndëshkuar nga SHBA edhe Berisha e Petrit Vasili.
Ndërkohë, Vangjush Dako, që dhe këtij i është hequr viza nga SHBA, nuk përflitet se mund të kandidojë.
Por kujtojmë: Tom Doshi, një figurë e fortë e të majtës në very, më saktë në Shkodër – Malësi e Madhe, është produkt politik i Nanos. Doshi është në parlament që në zgjedhjet e vitit 2001. Emri i tij si deputet me dritëhije nisi të përfltej vetëm në kohën e Ramës, pasi PS rierdhi në pushtet më 2013. /tesheshi.com/
