Një shtetase e Shqipërisë nga Dibra e cila jeton në Kosovë, më saktë e martuar në Kaçanik, ka fituar çmimin e parë në garat me makina në disiplinën Auto Slalom për femra – “Kampionati i Kosovës në Disiplinën Auto Slalom Ferizaj, 27 Tetor 2019” organizuar nga FASK (Federata e Autosporteve te Kosovës), EuroGoma Sh.p.k dhe SAVA.
Brunilda Gjura-Tafili, mori pjesë në garë me makinën BMW 330 dhe konkuroi mes 37 pjesmarrëse të tjera, ndër to dhe Blerta Bytyqi, fituese e vendit të parë në të njëjtën disiplinë në garat e qershorit. Por kësaj herë fitorja i ka takuar Gjura-Tafilit, e cila befasoi me atë se kujt ja dedikonte triumfin në timon.
“Këtë fitore ia dedikoj familjes së Astrit Deharit, ndaj dhe kupa iu takon atyre”, u shpreh ajo pas ngritjes së kupës. Kujtojmë se cështja e vdekjes së ish-aktivistit të ndjerë të Vetëvendosjes në burgun e Prizrenit, është aktualizuar sërish, gjithnjë nga fakti se si iu shua jeta në kushte qelie.
Brunilda Gjura – Tafili është bashkëshortja e një figure lokale të VV-së në Kaçanik, Avni Tafili, poet, eseist dhe klerik musliman. /tesheshi.com/
