Erdogan është konfirmuar sërish si lider i padiskutueshëm i Turqisë, duke fituar bindshëm në raundine e dytë ndaj Kemal Kiliçdarolu, një rival i padenjë në shumë aspekte për të udhëhequr një fuqi botërore siç po konturohet tashmë Turqia.
Kryetari i Komisionit Zgjedhor turk, Ahmet Yener, tha se Erdogan aktualisht kryeson me 53.41 përqind të votave, përpara Kilicdaroglu, i cili ka marrë vetëm 46.59 përqind të votave.
Mbështetësit e Erdoganit tashmë kanë dalë në rrugë dhe kanë filluar të festojnë në të gjithë Turqinë, ndërsa Erdogan iu drejtua edhe atyre duke i falënderuar që “i dhanë atij përgjegjësinë për të udhëhequr dhe për pesë vitet e ardhshme”.
“Dashtë Zoti, do të jem i denjë për besimin tuaj siç kam qenë në 21 vitet e fundit. Bashkë deri në varr”, tha Erdogan.
Erdogan madje këndoi në një moment.
“Para zgjedhjeve thashë se kjo dashuri nuk ndalet këtu. Mirupafshim, mirupafshim Kemal”, tha Erdogan. Ai thotë se fitorja “hapi derën e shekullit të ri turk”.
“Opozita kryesore do të mbajë përgjegjës kundërshtarin tim për rezultatin e dobët. Të dua Stamboll! Jemi të dashuruar me Stambollin dhe do të vazhdojmë me Stambollin. Sot Stambolli është ndryshe. Faleminderit të gjithëve, faleminderit të gjithë qytetarëve që votuan dhe folën për të ardhmen e këtij vendi”, u tha ai turmës.
Nga ana tjetër, Kiliçdaroglu “kopjoi” Berishën në Shqipëri kur tha se do të vazhdojë luftën e tij për demokraci dhe u kërkoi mbështetësve të tij të vazhdojnë luftën e tyre, njëherësh duke e quajtur procesin zgjedhor më të padrejtën në vitet e fundit.
“Të gjitha burimet e shtetit u mobilizuan për një parti politike dhe u vunë në këmbët e një njeriu”, tha kreu i CHP.
Si shtoi se “vullneti i popullit për të ndryshuar regjimin autoritar u shfaq pavarësisht të gjitha presioneve”.
“Ne do të vazhdojmë të jemi në ballë të kësaj lufte derisa të vijë demokracia e vërtetë në vendin tone”, shtoi ai, sikur ta kish mësuar Berisha. /tesheshi.com/
