Me një videomesazh të bërë gati paraprakisht për fitore, presidenti i ri i sapozgjedhur i Shteteve të Bashkuara të Amerikës, Joe Biden lëshoi një deklaratë duke falënderuar popullin amerikan për mbështetjen që i dha.
“Unë jam i nderuar nga besimi që populli amerikan ka vendosur tek unë dhe zv.presidentja Kamala Harris,” tha Biden, duke shtuar:
“Përballë pengesave të papara, një numër rekord amerikanësh votuan, duke provuar edhe një herë që demokracia rreh thellë në zemrën e Amerikës.”
Duke përsëritur temat e fushatës së tij, Biden u bëri thirrje amerikanëve që të bashkohen në këtë kohë krize.
“Meqenëse fushata ka mbaruar, është koha të lëmë pas zemërimin dhe retorikën e ashpër dhe të bashkohemi si komb”, tha Biden.
“Eshtë koha që Amerika të bashkohet dhe të shërohet. Ne jemi Shtetet e Bashkuara. Dhe nuk mund të bëjmë asgjë nëse e bëjmë së bashku”, përfundoi ai.
Kujtojmë se me fitoren e Bideni-it thyhet dhe trendi i zgjedhjeve amerikane, me nga dy mandate për çdo forcë. Republikanët, me Trump-in atipik, e mbajtën pushtetin vetëm katër vjet. /tesheshi.com/
https://twitter.com/i/status/1325118992785223682
