Ukrainasi Oleksand Usyk mbrojti titullin e kampionit të botës në boks në kategorinë e rëndë, duke mposhtur britanikun Anthony Joshua në revanshin e zhvilluar në qytetin saudit të Jeddah, këtë herë me vendim të ndarë të gjyqtarëve.
Në shtator të vitit të kaluar, Usyk mposhti Joshua-n në Londër me vendim unanim të gjyqtarëve dhe i mori titullin e kampionit të botës dhe menjëherë pas atij dueli u ra dakord për një revansh.
Edhe pse Joshua bëri një luftë më të mirë se në Londër, Usik më i shpejtë përsëri goditi më shumë grushta dhe mbajti rripat e Shoqatës Botërore të Boksit (WBA), Organizatës Botërore të Boksit (WBO), Federatës Ndërkombëtare të Boksit (IBF) dhe Organizatës Ndërkombëtare të Boksit (IBO).
“Për atdheun tim”
Ndeshja e mbrëmshme u mbajt në sallën sportive që mban emrin e mbretit Abdullah. Në fund të ndeshjes, arbitri amerikan votoi për Joshua-n, ndërsa arbitri britanik dhe ukrainas votuan për Usyk.
“Këtë fitore ia dedikoj atdheut tim, familjes, ekipit tim dhe të gjithë ushtarëve që mbrojnë vendin tim, ju falënderoj shumë të gjithëve”, tha pas fitores 35-vjeçari Usyk.
Kjo është fitorja e tij e 20-të në po aq ndeshje, ndërsa për Joshua-n kjo është humbja e tretë në karrierë. /tesheshi.com/
