Një sasi tritoli ka shpërthyer në mesnatë në banesën e të atit të Leonard Dukës, kreut famëkeq të klanit Duka, arrestuar javë më parë në Belgjikë. Ai konsiderohet si një prej rivalëve dhe armiqve të mitikut Ervis Martinaj, prej muajsh i zhdukur.
Në banesën e Muhamed Dukës te Fresku nuk ka patur njeri. I ati i emrit të bujshëm të krimit shqiptar ia kish lënë dikujt menaxhimin e saj. Dyshimet e para janë se shpërthimi mund të jetë sajuar nga vetë familjarët e Dukës, me qëllim që ai të mos ekstradohet në Shqipëri.
Çështja është, siç thonë dhe fqinjët e tmerruar: ç’borxh kanë ata, tashmë dhe më demë në pronën e tyre. 
“Unë s’dua t’ia di fare. Shteti duhet të vërë dorë, kush është kriminel të arrestohet.
Është situatë e përsëritur, shteti e di shumë mirë. Vjen policia në 3-4 të mëngjesit për të kapur njerëz e nuk i kap dot. Shteti duhet të jetë korrekt, duhet siguri e fortë.
I bëj thirrje Mehmet Dukës të vijë të më takojë, të më bëjë derën, të më paguajë dëmin që është bërë edhe jemi në rregull. Me shtetin ta gjejë vetë ai, unë nuk ja kam borxh Mehmet Dukës që të më vrasë mua me gjithë gruan. As i kam borxh, as më ka borxh,” u shpreh një fqinj i tij. /tesheshi.com/
