Tullumbace të rradhës, e konsideron deputeti demokrat Tritan Shehu tezën për një koalicion të mundshëm PS-PD në bashkëqeverisjen e vendit.
Ndërsa e konsideron si lajm të rremë atë që ministri teknik i Brendshëm, Dritan Demiraj, do të jetë pjesë e Qeverisë Rama2, që pritet të votëbesohet në muajin shtator, Shehu përmes një komenti në rrjetet sociale shprehet se dizinformimet i kujtojnë “Pallatin e Endrrave”.
“Përsëri me lajme të rreme për të përbaltur PD-në! Mjegullnaja e radhës: ministri Demiraj do të vazhdojë si ministër edhe në “Qeverine Rama 2”!!!
Dhe mbas kësaj “shkrehen bateri topash” kundër Bashës e politikave të PD; pa dyshim edhe nga “dashamirës” të PD!
Mbasi u shfry tullumbaci i koalicionit me LSI, po fryhet një tjetër, ai i lidhjeve imagjinare PD-PS!
Sa shumë fabrika dizinformimi janë sponsorizuar? Apo është një e vetme me shumë finale??? E gjithë kjo më kujton “Pallatin e Ëndrrave” të të madhit Kadare”, shkruan Tritan Shehu në Facebook. /tesheshi.com/
