Ndërsa nje pjesë e shoqërisë shqiptare po vuan mosgjetjen e konsensusit politik për të votuar reformën në drejtësi, në Milot, një pjesë e banorëve të Kurbinit po vuajnë mbylljen e tregut të gjëse së gjallë në Milot.
Urdhëri ka ardhur nga Ministria e Bujqësisë, ku si shkak jepet shfaqja e një sëmundjeje të tek kafshët, për të cilën, autoritetet e Bujqësisë në nivel lokal, kanë thënë se pritet ardhja e një vaksine nga Afrika.
Por fermerët dyshojnë se kjo bëhet për të favorizuar importin e mishit nga jashtë.
Janë me qindra suresh që e ndjejnë veten të penalizuar padrejtësisht nga ky vendim, edhe të dëmtuar ekonomikisht, duke thënë se gjëja e gjallë e tyre nuk ka asnjë sëmundje.
Tregu i gjësë së gjallë në Milot njihet gjithashtu dhe për përdorim gjuhësor, ngjashëm me “pazarin e Korçës”, kur është fjala për ta përdorur dhe si metaforë.
Kur në 2007-ën, gjashtë deputetë të majtë dhanë votën e tyre që Bamir Topi të zgjidhej president, e kështu dhe në raste të tjera kur deputetë të ndryshëm kanë kaluar sa në njërin krah tek tjetri, në trajtime të ndryshme mediatike ka gjetur vend shprehja “shiten e blihen si në pazarin e gjësë së gjallë në Milot”. /tesheshi.com/
