Gerry Marsden, njeriu që këndoi “Ju kurrë nuk do të ecni vetëm”, himni i klubit të famshëm anglez Liverpool, u shua në moshën 78 vjeç, raportuan mediat britanike.
“Ne lajmërojmë me shumë trishtim për vdekjen e Gerry Marsden”, postoi Liverpool në profilin e tyre në Twitter.
“Fjalët e Gerry do të gdhenden përgjithmonë në kujtimet tona. Ju kurrë nuk do të ecni vetëm,” tha klubi.
I lindur në Liverpool, Marsden ishte lideru i grupit :Gerry And The Pacemakers”, i cili interpretoi hitin “You’ll never walk alone” në fillim të viteve 1960, shkruar fillimisht në 1945 nga kompozitorët amerikanë Rogers dhe Hammerstein për muzikorin “Carousel”.
Versioni i “Gerry And The Pacemakers” është pranuar nga tifozët e Liverpool si i tyre që nga viti 1963 dhe është bërë një nga himnet më të famshëm të tifozëve. Klube të tjera si Celtic, Feyenoord ose Borussia Dortmund gjithashtu luajnë këtë himn në ndeshjet e tyre. /tesheshi.com/
