“Trioja europiane”, Matteo Renzi, Angela Merkel dhe François Hollande, takohen sot kokë më kokë në përpjekje për të gjetur strategji të reja për rimëkëmbjen e Evropës, e cila, aq më shumë pas “Brexit britanik”, po përjeton në krizë të thellë identiteti.
Liderët në fjalë, kanë përzgjedhur bregdetin italian, diku nga brigjet e mesdheut, siç thuhet, “për t’i qarë hallet e kontinentit, i cili po jeton kohërat më të vështira që pas përfundimit të Luftës së Dytë Botërore.
Kryetari i Këshillit italian njoftoi se do t’i presë rreth pasdites si kancelaren gjermane e si presidentin francez përpara se t’i shoqërojë në Ventotene, ishull i vogël në detin Tirren, midis Romës dhe Napolit.
Dhe atje, sipas zyrtarit italian, të tre udhëheqësit evropianë do të inspirohen gjatë ceremonisë pritëse në varrin e Altiero Spinelli, autori i idesë së federalizmit evropian “teksti unifikues i Ventotene”.
Ato do të udhëtojnë më pas me aeroplanmbajtësen Garibaldi, anije e Marinës italiane për një darkë pune.
Ky është i dyti mini-samit i tyre pas Brexit, që u mbajt në muajin qershor, ku trioja lëshoi thirrjen për një “impuls të ri” për Evropën. /tesheshi.com/
