Claire Elise Boucher, e njohur si Grimes, është një muzikante kanadeze dhe ish e dashura e Elon Musk, e cila ka një dëshirë interesante.
Grimes është aktualisht 35 vjeçe dhe nga mesi i të gjashtëdhjetave ajo shpreson të shkojë në Mars dhe të vdesë atje.
“Shpresoj të vdes në hapësirë,” tha Grimes kur u pyet nëse donte të shkonte në hapësirë në një intervistë me Wired.
“Do të doja të shkoja aq larg sa trupi im të mos kthehet më. Por kjo do të ishte më afër fundit të jetës sime. Ndoshta në moshën 65 vjeçare,” shpjegoi ajo.
“Marsi do të ishte ideale për diçka të tillë”, pretendon ajo.
“Unë shpresoj se do të jetë një megastrukturë deri atëherë, sepse do të doja ta shihja atë në hapësirë. Do të shkoja atje, do të jetoja sa më gjatë derisa të vdisja”, tha muzikantja për Marsin.
Grimes beson se fëmijët dhe nipërit e saj të mundshëm mund t’i pengojnë planet e saj. Për kujtesë, ajo ka dy fëmijë me Musk, një vajzë Exu Dark Sideræl, një vjeçe, e quajtur Y dhe një djalë X Æ A-12, tre vjeç.
“Nëse do të vdisja në Tokë, sigurisht që do të pendohesha në momentet e mia të fundit. Nëse do të vdisja në hapësirë, do të mendoja: ‘Ke jetuar një jetë të mrekullueshme, bëre gjithçka që doje’“, përfundoi ajo.
Ndoshta dëshirat e saj do të realizohen sepse kompania e ish-të dashurit të saj SpaceX aktualisht po punon për një raketë prej tre miliardë dollarësh për të transportuar ngarkesa të rënda dhe njerëz në Mars dhe në Hënë. Përveç kësaj, Grimes e ka përgatitur tashmë veten për jetën aliene duke kaluar një “transformim alien”, thotë ajo.
Përkundër trilleve të saj, e sigurt është që do vdesë, siç dhe e di këtë gjë, në Tokë a në Mars, dhe më pas do shkojë te Krijues i të dyjave dhe vetë asaj për llogarinë e jetës. /tesheshi.com/
