Kryeministri Rama ka vendosur më në fund të ndërfutet në debatin e nxehtë të këtyre ditëve, atë me personazh një polic, një djalë deputeti dhe një vajzë jetime. E ndërkohë që opozita dhe zëra mediatikë pranë saj ia faturojnë qeverisë gjithë çka ndodhur, ku një dëshmi nga arratia e një oficer i Komisariatit të Fushë Krujës ka krijuar një mish-mash edhe politik në lidhje me rastin e dhunimit të një vajze nga ana e djalit të një deputeti socialist, Rahman Rrahja nga Nikla e Krujës, Rama zgjedh stilin e tij për të reaguar.
“Dhuna ndaj vajzës është e pafalshme! Po aq i pafalshëm është abuzimi politik me vajzën.
Policia ka bërë detyrën pa i bërë asnjë favor djalit të deputetit.
Ata që hungërrijnë si derra në llucën e gërrgërreve politike e mediatike po ridhunojnë vajzën.
Për ne askush s’është mbi ligjin”, shprehet Rama në Tëetter.
Në këtë zhvillim u tentua të implikohej dhe Taulant Balla, nr.2 i PS-së, ku sipas dëshmisë së policit Emiljano Nuhu, ka qenë present kur i është vënë pistoleta në kokë, për të mos proceduar me dëshminë e vajzës që kishte denoncuar dhunën e shtetasit Rexhep Rrahja.
Ndërkohë, policia konkkludoi se ish-efektivi i saj Nuhu, ka mashtruar opinionin. /tesheshi.com/
