I përfshirë së fundi në një përplasje të ashpër me kryebashkiakun Veliaj, ku për çdo ditë poston në FB nga tre-katër statuse kundër tij, ish-ministri i Nanos, njëherësh ish-deputeti dhe ish-anëtari i kryesisë së PS-së Arben Malaj, po nga FB kumton kthimin në këtë parti.
“Kur te tjeret do ta fillojme ta braktisin, sapo PS te dal ne opozite, vendosa te kthehem ne PS, me integritetin e pa cenuar, me profesionalzim e thelluar dhe me dashurine e shtuar. Nga mencuria dhe krenaria labe jam inspiruar perhere ne vendim-marrjet e mia. Ne 1991 ata qe e molen Partine e Punes e braktisen te parat dhe u kthye po te paret per ti thithur deri ne piken e fundit, ne piken ku nga gjinjte e nenave del me shume gjak se qumesht. Nenave u shkon dhimbje ne zemer dhe prape durojne.
Ne 1991 une ju bashkova socialisteve vlonjate per modernizimin e PS. Isha me shume fat bashkepunova si nen kryetar I PS vlore me qindra socialiste, te ditur, fisnik, trima dhe krenar. Dy me te spikaturit Gezimin dhe Nikon.
Ulem agresivitetin partial ne Vlore, e hapen partine per te gjithe duke spikatur dhe promovuar me te miret. E drejtuan PS ne vitet e “cmendura” te viteve me te veshtira te tranzicionit”, shkruan Malaj, një prej të shenjestrave të forta të PD-së pas ’97-ës, si njeriu i firmave piramidale.
Më pak më tutje Malaj dhe “nxjerr kokën” në këtë lëvizje të tij personale, ku të keqen e ka me mjaftistët, pra, me Velianj e të ngjashëm me të, gjersa iu drejtohet shumës.
“Ne 2013 kur vinte era e pushteti te dehte, dhe te babeziturit luftonin per pjesen e tyre te madhe ne tepesine e socialisteve,
u vetlargova nga PS. Per 8 vite luftova kunder arrogances dhe babezise qe e kercenonte rende gjithe pasurine dhe trashgimnine shpirterore te qindra mije socialisteve dhe mbeshtetesve te saj.
Mjaftistet dhe te babeziturit duket se e molen 99 % PS-ne. Ne 2019 vendosa te kthehem ne PS si ne kontribut mirenjohes ndaj vendit tim dhe ndaj njerezve te saj te mrekullueshem.
Kam aplikuar online, por pranimin ne PS nuk qenka sic thoten Rama. Ne mirenjohje te sociliasteve aplikova on line edhe ne 2013, paszgjedhje, por e bllokuan.
Te drejten time universale dhe kushtetuese, qe te anetaresohem vullnetarisht ne PS nuk e cenon dot asnje”, mbyll statusin e tij në formë njoftimi.
Por ç’e largoi Malajn nga PS dhe si qenë raportet e tij me Ramën?
Ata patën një çarje pas zgjedhjeve të vitit 2009, ku Malaj iu bashkua LMN-së së bashku me Blushin e të tjerë.
Më pas u riafrua që në grevën e urisë në 2010, për t’ju kthyer një normaliteti në raporte, ndonëse kurrë të ngrohta.
Në prag të zgjedhjeve të 2013-ës, Rama vendos të kandidojë në listën e Vlorës Koço Kokëdhimën në vend të Malajt, e këtu u vulos dhe fundi i raporteve mes tyre. Malaj bëri një shkëputje pa zhurmë nga PS, pa reagime publike, krejt i qetë, deri sa fitoi dhe një vend në Bordin e Bankës së Shqipërisë. Por prej muajsh, ai është aktivizuar me një sulm të përditshëm ndaj kryebashkiakut Veliaj, duke e çuar kështu deri në vendimarrjen për rikthim në PS. Ngjan më tepër si trill se sa si projekt politik sfidues. /tesheshi.com/
