Franca, Britania dhe Gjermania kanë shprehur frikën se marrëveshja bërthamore me Iranin që u arrit në vitin 2015 është në rrezik të shembjes shkak të tensioneve aktuale në Gjirin Persik.
Në një deklaratë të përbashkët, shtetet kërkuan një dialog të ri mes të gjitha palëve.
“Rreziqet janë të mëdha, dhe prandaj është e nevojshme që të gjithë palët e interesuara të ndalojnë shkeljet dhe të marrin parasysh pasojat e veprimeve të tyre”.
“Ne besojmë se ka ardhur koha për të vepruar me përgjegjësi dhe për të gjetur mjetet për të ndaluar eskalimin e tensioneve dhe rinisjen e dialogut”.
E nënshkruar sot 4 vjet më parë, marrëveshja synonte të ndalonte programin bërthamor të Iranit, në këmbim të marrëveshjeve tregtare dhe heqjes së gjithë sanksioneve ndaj tyre.
Por pasi SHBA u tërhoq nga marrëveshja majin e kaluar dhe rivendosi sanksionet mbi Iranin, Teherani tha se nuk do të respektojë disa nga detyrimet e veta.
Tensionet u ndezën edhe më tej javën e kaluar kur Britania konfiskoi një cisternë iraniane jashtë brigjeve të Gjibraltarit, me dyshimin për shkelje të sanksioneve që BE-ja ka vendosur kundër Sirisë.
Irani ka kërkuar që Britania të dorëzoj anijen dhe e mohon se po merrte naftë në Siri në kundërshtim me sanksionet e Bashkimit Evropian.
Ministri i Jashtëm britanik, Jeremy Hunt, i tha homologut të tij iranian se Britania do të lehtësonte lirimin e cisternës së naftës Grace 1, nëse Tehran jep garanci se nuk do të shkonte në Siri.
Administrata e Presidentit të SHBA, Donald Trump thotë se është e hapur për negociatat me Iranin për një marrëveshje më të gjerë për çështjet e sigurisë dhe bërthamore, por Irani ka bërë çdo bisedim të kushtëzuar.
Burimet e njohura me këtë çështje thanë se SHBA-ja i dha vizë Mohammad Javad Zarif për të marrë pjesë në një takim të OKB-së në Nju Jork këtë javë, duke thënë se Sekretari i Shtetit Mike Pompeo kishte miratuar vendimin.
Sikur Pompeo të mos e miratonte vizën, mund të kishte qenë një sinjal se Shtetet e Bashkuara po përpiqeshin të izolonin edhe më tej Iranin. /tesheshi.com/
