Miratimi i ligjit për “Trepçën” nga Kuvendi i Kosovës po çon deri në kërcënime nga ana e serbëve.
Pasi janë konsumuar deklaratat kundërshtuese nga ana e politikës, fjalën e kanë marrë ushtria tashmë.
Është shefi i ushtrisë serbe, Lubisha Dikoviç, që ka thënë se miratimi i ligjit për “Trepçën” është kërcënim për situatën e brishtë në Kosovë, duke ftuar komandantin e KFOR-it në Kosovë, Giovanni Fungo “të ndërmarrë të gjitha masat për sigurinë e qytetarëve”.
Këtë deklaratë Dikoviç e bëri gjatë takimit që zhvilloi në Nish me komandantin e KFOR-it.
Ai nuk ka qartësuar se për ç’lloj sigurie e ka patur fjalën, por mesazhi është i qartë për atë se “Trepca” ka një çmim shumë të shtrenjë për serbët, edhe atë të zgjidhjes me luftë. /tesheshi.com/
