Serbia nuk ndalet së provokuari për të destabilizuar shtetin e Kosovës. Pas murit të ndërtuar ilegalisht, sot Serbia për herë të parë pas luftës kaa nisur në qarkullim edhe një tren në drejtim të Mitrovicës të dekorurar me ngjyrat e flamurit serb dhe me mbishkrimin “Kosova është serbe”.
Autoritet kosvoare këtë linjë hekurudhore e kanë quajtur ilegale.
Ministrja për dialog Edita Tahiri, ka thënë se kjo është një ndërhyrje agresive në sovranitetin shtetëror të Kosovës dhe një dëshmi tjetër se Serbia po dëshiron ta destabilizojë Kosovën.
Ajo ka kërkuar nga Bashkimi Evropian që ta ndal trenin ilegal të Serbisë në shtetin e Kosovës.
“Serbia po bëhet rrezik për paqen dhe stabilitetin në rajon, dhe faktori ndërkombëtar duhet ta ndal Serbinë”, ka deklaruar Tahiri.
Sa i përket kërkesës së Tahirit që ky tren të ndalet së qarkulluari, drejtori i ashtuquajtur Zyrë për Kosovën në qeverinë serbe, Marko Gjuriq ka thënë se dhjetëra autobusë tanimë udhëtojnë nga Serbia në Kosovë dhe se ky tren është një “shtrirje e linjave ekzistuese”.
Sipas mediave, treni pritet të arrijë rreth orës 19:30 në veri të Mitrovicës, përkatësisht tek vendi i quajtur “Vojni Remont”.
Ndërkaq, linja e ashtuquajtur provuese e qarkullimit të trenit do të filloj prej datës 20 deri më 26 janar, për të shikuar mundësinë e linjës së rregullt.
Po ashtu, treni do të jetë i zbukuruar me motive të trashëgimisë kulturore e fetare serbe në Kosovë. /tesheshi.com/
