“Treni rus”, assesi nuk po lë të qetë politikën kosovare, edhe pse ai nuk u lejua të hynë në territorin e shtetit.
Se kush e ndali trenin, është pyetje që vazhdon të kërkojë një përgjigje, ndonëse presidenti Thaçi është i pari që ja ka atribuar vetës meritat. Por me ironi, opozitari Zafir Berisha në Klan Kosova tha se “trenin e ndali drejtuesi”.
Kjo çështje ka përplasur dy rivalët më të mëdhenj brenda LDK-së, kreun e kësaj partie Isa Mustafa dhe deputetin Shpejtim Bulliqi, ky i fundit një kundërshtar i fortë i Demarkacionit me Malin e Zi.
Dhe kjo është arsyeja pse Mustafa nuk dëshiron ta shoh me sy bashkëpartiakun e tij.
Ndonëse Mustafa sot para ligjvënësve u lavdua për ndaljen e trenit duke thënë ia mveshur meritat qeverisë së tij, Bulliqi e ngacmoi ironizoi keq me shefin e tij.
“Sa për ata që lavdërohen për meritat se kush e ndali trenin, ai do të kishte mrri në Kaçanik, askush nuk nga ta se kish ndalë, por atë e bën miqtë tanë ndërkombëtarë”, tha Bulliqi, duke nënuptuar se nëse nuk do ndërhynin ndërkombëtrët treni do shëtitej nëpër qytete të ndryshme në Kosovë.
Pas deklaratës së Bulliqt reagoi Mustafa, i cili pranoi ndihmën e ndërkombëtarëve për ndaljen e trenit, por shtoi se nuk do të ndalej po të mos ishin forcat e njësisë speciale atje.
Por Mustafës nuk i ka mjaftuar foltorja e Kuvendit për t’iu përgjigjur “armikut” të tij partiak, pasi ka pas përfundimit të seancës ka përdorur edhe profilin e tij për ta sulmuar Bulliqin.
“Ishte nje deputet yni që, për habinë time, tha se të tjerët e ndalën trenin, sepse ai do të arrinte në Kaçanik. Unë ia ktheva se ky do të ishte lajm i mirë për Serbinë, por se lajmi i vertetë (jo i mirë për Serbinë) është se treni nuk do ta kalonte kufirin. Të njëjtit deputet (që akoma vazhdon të thotë se është në LDK) edhe Mali i Zi i ka hyrë shumë thellë”, ka shkruar Musafa.
Duke parë se marrëveshja për Demarkacionin pritet të kthehet së shpejti në institucionin ligjvënës për ratifikim, përplasjet mes dyshes së LDK-së Mustafa-Bulliqi do vazhdojnë edhe në javët e muajt e ardhshëm.
Ndonëse sipas njoftimit Mustafa qartazi nuk e konsideron Bulliqin pjesë të LDK-së, ky i fundit kohë më parë ka përjashtuar kategorikisht mundësinë e largimit nga partia.
“Unë kam qenë dhe jam LDK para shumë të tjerëve që sot janë në struktura udhëheqëse të LDK-së, dhe do të kontribuoj maksimalisht në LDK pavarësisht a do të jem në struktura udhëheqëse të saj, dhe pavarësisht dëshirave të dikujt që iu konvenon apo nuk iu konvenon të jem pjesë e LDK-së”, ka thënë Bulliqi.
Ai ka deklaruar se fare nuk brengoset nëse Mustafa do ta lë jashtë listës së deputetëve në zgjedhjet e ardhshme, duke thënë se Demarkacionin e kundërshton si ekspert i fushës pasi beson se shteti po humb territor dhe assesi nuk do ndryshonte mendim për interesa të caktuara personale. /tesheshi.com/
