Duket si treni i filmit “Hunger Games”, me ndryshimin se ky për të cilin po flasim është i prekshëm, edhe pse i padukshëm.
I projektuar nga arkitektja e njohur japoneze Kazuyo Sejima, treni parashikohet të jetë gati në vitin 2018 dhe do t’i prezantohet publikut për herë të parë në Tokio. Treni parashikohet të ketë materiale gjysmë dritë-reflektuese dhe gjysmë transparente.
Sejima ka fituar çmimin “Pritzker Architecture Prize” në vitin 2010 dhe nisi këtë projekt me kërkesë të Seibu Group për 100 vjetorin e kësaj kompanie, e cila është pronare e hekurudhave në Tokio dhe Saitama. /tesheshi.com/
