Pas suksesit me trenin serb, të cilit “arritën t’i vënë kufirin tek thana”, sipas një thënieje popullore, duke ia ndërprerë rrugën për të hyrë në Kosovë, politikës së Prishtinës siduket i është hapur oreksi dhe për akte të tjera të tregimit të “dorës së hekurt” ndaj politikave destruktive të Beogradit karshi Kosovës.
Është kryeparlamentari Kadri Veseli që pas mbledhjes së kryesisë ka thënë se muri do të rrënohet gjithsesi, por jo në janar, siç ishte parashikuar nga një rezulotë e Kuvendit. Dhe për më tepër ai ka dhënë dy data, ku njëra prej tyre përkon dhe me 10-vjetorin e pavarësisë së Kosovës.
“Muri është artificial. Ai do të rrënohet. I thërras qytetarëve që të kenë besim në shtet. Do të rrënohet. Është promovim i një koncepti ndarës. Nuk e di më 1 apo më 17 shkurt. Por ai do të rrënohet. Edhe te treni s’keni besuar se do të ndalet. Besoni më shumë në institucione”, ka thënë Veseli .
Ndërkohë, kryetari i grupit parlamentar të AAK-së Pal Lekaj ka deklaruar ditë më parë për tesheshi. com se nëse muri nuk rrëzohet gjatë janarit, do të kërkojnë rrëzimin e kryeministrit Mustafa dhe qeverisë.
Por tashmë, premtimi i Veselit duke ofruar dhe dy data konkrete, është një provë e fortë e Prishtinës zyrtare, e shtetit kosovar për ta kthyer rrotën e zhvillimeve që deri më tani ka ecur në kahjen që kanë dashur serbët. /tesheshi.com/
